Nýtt merki sækir í grunnformin sem um leið mynda listræna útgáfu af stöfunum L og R. Formin gefa einnig hugræna tengingu í náttúruna í kring um safnið (klettana, sjóinn, sólina og fuglalífið). Fyrst og fremst er merkið hinsvegar hugsað sem auðþekkjanlegt merki sem safnið getur eignað sér. Hugmyndin er að merkið sé mjög sveigjanlegt í notkun og litum, til að geta fallið að ólíkum sýningum og tilefnum. Að merkið sé nokkurskonar kamelljón sem tekur á sig ólíkar áferðir, án þess að tapa þekkjanleika sínum. Útlitið er hannað með sama sveigjanleika og einfaldleika í huga, til að geta tekið utan um ólíkar sýningar fjölbreyttra listamanna og listforma.