Nýr millilandaflugvöllur á Akureyri var fyrstur innanlandsflugvalla til að fá nýtt heildarútlit fyrir merkingar (wayfinding). Kerfið er hannað til að vera vinalegt, án þess að gefa neinn afslátt af skýrleika og framsetningu. Auk þess mun hver flugvöllur fá sín sérkenni innan kerfisins, sem tengir við landshlutann og umhverfið. Litaheimurinn er sóttur í náttúruna sem blasir við um leið og gengið er út úr flugvellinum, þar sem Kjarnaskógur blasir við djúpgrænn á sumrin og snævi þakinn á veturnar. Letrið var valið með læsileika í huga og einkennum sem auðvelda lestur úr fjarlægð. Trén mynda símynstur og leiðbeinandi tákn um völlinn. Kerfið er að lokum sett upp í mátkerfi sem er hægt að útbúa merkingar í ólíkum stærðum, til að geta komið þeim fyrir á mjög ólíkum flötum flugvallarins, sem dreyfir sér um misgamlar byggingar og misþrönga veggi.