Merkingakerfi hannað fyrir húsnæði og skrifstofur forsætisráðuneytis Íslands. Kerfið inniheldur blöndu af eikar- og kopareiningum sem er pússlað saman eftir þörfum hvers rýmis. Húsnæðin eru ólík og þurfti að gera ráð fyrir sveigjanlegu kerfi sem mætti koma fyrir á stærstu veggjum niður í þrengstu hurðarkarma. Þannig getur sama merking verið uppsett lóðrétt, sem og lárétt, eftir þörfum. Merkingarnar eru einnig hannaðar með framtíðarhúsnæði ráðuneytisins í huga, sem er nú á lokametrum í hönnunarferli hjá Kurt og Pí arkitektum.