Merki Landsvirkjunar á sér rúmlega 5 áratuga langa sögu og er án efa eitt af þekktari vörumerkjum landsins. Höfundur þess er Ágústa P. Snæland, einn af frumkvöðlum grafískrar hönnunar á Íslandi. Ný útgáfa merkisins var löguð að þörfum nútíma miðlunar og um leið fært aftur nær upprunalegum hugmyndum höfundarins ásamt því að skarta nýju sérgerðu letri Landsvirkjunar, LV Sans. Íslenska orkan lætur ekkert ósnert; litir, letur, tónn, hreyfingar og hljóð... allt var sérsmíðað og valið af kostgæfni til að byggja upp nýja, skjáglaða og ferska ímynd. Myndmerki Landsvirkjunar sem telja nú um 160, hafa verið sérteiknuð fyrir ýmsar þarfir, leiðbeiningar og hættur í kringum gesti og starfsfólk fyrirtækisins. Merkjunum er skipt upp eftir notkun og er litanotkun hluti af upplýsingagjöf þeirra. Merkin eru notuð víðsvegar á skiltum, merkingum, vefsíðu, bæklingum og fleiri stöðum undir merkjum Landsvirkjunar.